Vawk lakluh la khuahkhirh

Serchhip District-a Vawk leh Vawksa lakluh khuahkhirhna thupek chu kalpui chhunzawm zel ala ni dawn.

Tunkar Thawhtanni khan Serchhip District Magistrate Lalmuansanga Ralte chuan thuchhuah siamin Mizoram-a Vawk hri leng mek African Swine Fever (ASF) chu Serchhip District chhung khaw thenkhat ah pawh a len mek thu leh he hri a darh zel lohna turin The Prevention and Control of Infectious and Contagious Disease in Animal Act 2009 Sec. 20 leh Section 144 of Cr.PC tlawhchhanin Serchhip District chhungah State dang atanga Vawk, Vawksa leh Vawksa atanga siam ei tur reng reng lakluh khap tlat a nih thu a tarlang a, hei bakah hian District dang atanga heng thil lakluh emaw, thawn-chhuah emaw, District chhung khua leh khua te pawh Vawk inlakpawlh loh tur a nih thu te, Vawk damlo reng reng talh leh hralh khap a nih thu te pawh a tarlang a. He thupek hi thu leh a awm hma chuan chhuah a nih atanga thla hnih chhung huam tur a ni ang.