Police Sports Meet kharna Home Minister in hmanpui

Tun thla ni 17 atanga neih Mizoram Police Sports Meet vawi 20-na chu nimin khan zawhfel niin Home Minister Lalchamliana chuan he Sports Meet kharna hun hi a hmanpui a ni.

Rajiv Gandhi Stadium, Mualpui-a Mizoram Police Sports Meet 2022 kharna ah hian Home Minister chuan Mizoram Police ten Sports Meet tluang taka an nei chu a lawmpui thu sawiin, Mizoram Police te inpekna leh thawhho that avangin mipuite rin an hlawh em em tih a sawi a, kawng engkimah Mizote tan kaihruaitu leh entawntlak ni turin mahni inthunun leh taimakna ngai pawimawh zel turin a chah a ni. Mizoram Police Sports thei zual bik te chu sawrkar pawhin a remchan dan ang zelin duhsakna reward te Promotion te a pe tawh thin tih Home Minister chuan sawiin, Mizoram Police Recruitment chu Covid avangin tih theih a nih hrihloh tur thu a sawi a, tumdan anga tih theih a ni hrihloh chu hrehawm a tih thu a tarlang bawk a ni.

Mizoram Police Sports Meet hi kum 1987 atang khan neih niin kumin a Mizoram Police Sports Meet 2020-ah hian Police Unit hrang hrang atangin Contingent 11 an tel a, an vaiin participants 1114 niin infiamna chi hrang hrang 84-ah an intihsiak a Medal 266 semchhuah niin Central Range chuan Gold Medal 16, Silver Medal 9 leh Bronze Medal 14 lain Over-all Champion an ni a, 2nd Runners-Up chu PHQ Group niin Gold Medal 15, Silver Medal 17 leh Bronze Medal 16 an la bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar