Mizoram-a Naga Zirlai Cultural Day hmanpui

Naga Students’ Union Mizoram (NSUM) ten Art & Culture Auditorium, Berawtlang-a '24th Freshers Meet cum Cultural Day' an hman chu Inrinni khan Human Resource Development Board Vice Chairman L. Thangmawia MLA chuan khuallian niin a hmanpui.

He hun hmanna ah hian L. Thangmawia chuan Mizoram-a Naga zirlaite chu duhsakna hlanin, zirna chhunzawm nana Mizoram an rawn pan avangin lawmthu a hrilh a, harsatna an tawh apiangah Mizoram sawrkar chu anmahni tanpui turin a inhawng reng tih a sawi a, hlawhtlinna duhawm tak nena Mizoram atanga an ram-a an kir leh ngei theih nan duhsakna a hlan bawk. 

L. Thangmawia chuan mahni nihna leh hnam-a chiangte reng reng chu lehkha an thiam san poh leh mipui vantlang tan an tangkai tih sawiin, “Ram leh hnam tana thawk an ni tih an hriat avangin eirukna leh hlemhletna ah an fihlim a, tlawmngaihna nen mipuite tan an mawhphurhna neihsa piah lamah an thawk fo thin a ni,” a ti a, Lehkhathiam, mahni Identity hre lo te chu an thiamna a san zawh poh leh ram tana an hnawksakna a tam ting mai niin a sawi bawk. NSUM-ah hian Member 189 awm mekin Mizoram-a zirna In hrang hrang - AICS, ATC, COH, MZU, NIELIT, RIPANS, CVS&AH leh ZMC-a zirlaite an ni a. Kumin June 4 kha an din champha kum 25-na (Silver Jubilee) a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar