Lunglei-ah Southern Data Centre hawng

Irrigation & Water Resources Deparment changtu Minister C. Lalrinsanga chuan nimin khan Lunglei Chanmari-ah Southern Data Centre cum Executive Engineer's Office a hawng.

Hawnna inkhawm IWRD Secretary  J. Hmingthanmawia kaihhruaiah hian IWRD Minister chuan he Data Centre kaltlang hian Mizoram chhimlam District-a ruahtui tlak dan leh lui leh tuihna te dinhmun khawl hmanga uluk taka zirchian tur niin he hi Agriculture leh akaihhnawih Department-te tan a tangkai dawn hle a, kuthnathawktute hmalaknaah pawh nghawng tha tak a nei dawn a ni, a ti bawk. Southern Data Centre cum EE Office hi sawrkar laipui National Hydrology Project (NHP) hnuaia World Bank Funded Project kaltlanga ruahman niin a design-na atan cheng nuai 8.08 sen a nih bakah a sakna atan Rs. 2,61,74,875.75 sen a ni a, Southern Data Centre-ah hian Mizoram chhimlam lui leh tuihna te dinhmun zirchianna atana hman tur khawl hrang hrang ruahman chhoh mek zel a ni bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result