68th WILDLIFE WEEK 2022
(2nd - 8th October, 2022)
THUCHAH
Thupui : ‘Nungchate leh an chenna ramngaw i humhalh ang u’
SIK LEH SA LEH NUNGCHA HUMHALH
Kum 2022 National Wildlife Week (Nungchate Hapta) vawi 68-na kan lo thleng leh ta a. Kumin thupui atan ‘Climate change and Wildlife Conservation’ tih a ni a. Wildlife Week pual thuchah tawi te hi mipuiten i hre thar leh ila, ti hlawhtling turin mitinte kan in ngen a ni.
Khawvel mi thiam, Scientist te rilru tibuaitu leh tihahtu ber pakhat chu sik leh sa lo inthlak danglam nasa ta lutuk hi a ni. Kan ram Mizoram zimte ah pawh khua a lum ta em em mai a, a huna ngaih ah ruah a sur lova, tui hna a kangchat ta fo mai. Kumtin in hmun hrang hrangah ramkang leh khawkheng avangin ramngaw zau tak tak a chhia a, nungcha chi hrang hrang nasa takin an thi mek bawk. Tuilian leh thlipui tleh avangin ramngaw a chereu mek a, khawlum avangin nungchate nasa takin an pem sawn mek bawk. Ruah a sur mumal loh avangin Sava ten bu an chhep tha thei lova, an bu chheh hun a buai a, an chaw ber rannung te an lo tlem a, an note te an chawm puitling hlei thei lo. Chuvangin inthlahpunna kawngah harsatna an tawk fo thin.
Ramngaw leh ramhmul pawimawhna :
Mihringte leh nungchate tana nunna hnar leh pawimawh bulpui ber chu RAMNGAW LEH RAMHMUL hi a ni.
1. Ramhmul hi lei, boruak leh ni eng atanga ei tur siamchhuaktu bulpui a ni. Khawvela nunna nei tam ber ei tur siam chhuaktu a ni.
2. Nunna nei, thaw thei zawng zawngin kan mamawh Oxygen siam chhuaktu a ni.
3. Leimin tur vengtu a ni.
4. Tuihawk nu tak awm tur vengtu a ni a, lui tui a tifim a, lui a nungchate hriselna vengtu a ni bawk.
5. Boruak lum lutuk tur vengtu a ni bawk.
6. Boruak-a bawlhhlawh chi hrang hrang - vaivutte leh chemical chhia chi hrang hrangte a lo man bet a, chu chu ruahin leiah a tleuh thla a, tichuan leiah a tang ta thin a ni.
7. Ramngaw hi nungcha te eizawnna, an sa himna leh an inthlahpunna hmun a ni.
8. Ramngaw hi mihringten kan mamawh damdawi siamna atan te thingtuah atan leh kan chenna In sakna hmanrua atan a tangkai em em a, chubakah boruak thianghlim min siam saktu leh tuihna tam tak siamtu a ni.
9. Nungchate tan chenna In a siamsak.
Ramngaw chereu pawina :
1. Ramsate tan chena tlak lovah a siam a, a then phei chu an bo hlen tawh.
2. Ecological balance a buai zo.
3. Boruak chhia min hualtu a pung tual tual
4. Lei chung lang hanna a bo tial tial
Kan khawvel sik leh sa lo danglam zel hian nasa takin nungchate khawsak phung a tidanglam a, chuvangin nungchate leh an chenna ramngaw hi nasa leh uar zawkin i humhalh ang u.
- RL. Chhuanawma,
Honorary Wildlife Warden,
Serchhip District
Comments
Post a Comment