Anganwadi Workers tana training buatsaih zofel

Serchhip District chhunga Anganwadi Workers te tana Serchhip DIET ten Early Child Care and Education chungchang zirhona tun thla ni 11 atanga an buatsaih chu nimin khan zawhfel a ni.
Serchhip DIET Principal Lalrammawia chuan National Education Policy (NEP) 2020-ah Pre-School Stage chu ngaih pawimawh a nih thu sawiin, hei vang hian Anganwadi pawh tuama hetiang training hi buatsaih tura tih an nih anga training hi neih a nih thu a sawi a, he training zawhfel a nih hnu hian Pre-School enkawltute tan Training hi la neih zel tur a nih thu a sawi a ni. Tun tuma Training-ah hian Serchhip District chhunga ICDS Peoject pahnih huamchhunga Anganwadi Centre 160-a Workers te telin tun thla ni 11 khan Training hi neih tan a ni a, Anganwadi Workers te hi Group 4-ah thenin Group tinah mi 40 zel an awm a, Group pakhat tan ni 2 chhung zel he Training hi neih niin heng Batch pali te training hi nimin khan zawhfel a ni.

He training ah hian Anganwadi a kal thin kum naupang zawk te enkawl dan leh Zirna bul tanpui dan te zirtir thin niin Serchhip DIET Leccturer ten zirtirna an pe a ni.