Hri kai thar 7 leh dam 3 awm

Nimin khan Serchhip District-ah COVID-19 hri kai mi 7 hmuh belh leh niin mi 3 te anmahni enkawlna hmun atanga chhuahtir an ni thung.

Nimin a Serchhip District atanga COVID-19 hri kai hmuhchhuah te hi khaw 4 atanga hmuh niin Serchhip Dinthar Veng leh AOC Veng-ah hri kai mi pakhat ve ve hmuh niin Lungpho leh Mualcheng-ah hri kai mi pahnih ve ve hmuh an ni bawk a, Piler khua ah hri kai mi pakhat hmuh belh a ni bawk. Hetihlai hian nimin khan East Lungdar, Khawlailung leh Mualcheng atangin hri kai enkawllai mi pakhat theuh te chu anmahni enkawlna hmun atanga chhuahtir an ni bawk.

Heti hian nimin tlai thlenga Serchhip District atanga COVID-19 hri kai hmuh tawh chu 14,478 niin an zinga 14,426 te chu enkawl dam an ni tawh a, hri kai hmuhchhuah atanga chhutin za zela 99.65 te enkawl dam an ni tawh a, hri kai enkawllai mi 17 la awmin hri kai zingah mi 35 an boral tawh bawk a ni. Hri kai enkawllai te hi North Vanlaiphai-ah 5, Serchhip-ah 3, East Lungdar, Piler, Lungpho leh Mualcheng-ah mi 2 theuh leh Thenzawl-ah mi pakhat te an ni.

Comments

Popular posts from this blog

Tukverh-a tlasual boral