Hri kai mi 5 hmuh belh leh

Zonuna Kawlni /

Nimin khan Serchhip District-ah COVID-19 hri kai mi 5 hmuh belh niin hri kai enkawl dam erawh an awm belh lo thung.

Nimin a Serchhip District atanga COVID-19 hri kai hmuhchhuah thar zinga mi 4 te hi Khawlailung khua niin midang pakhat hi Thenzawl khua a ni thung. Heti hian nimin tlai thlenga Serchhip District atanga COVID-19 hri kai hmuhchhuah tawh chu 14,489 niin an zinga 14,428 chu enkawl dam an ni tawh a, hri kai hmuhchhuah atanga chhutin za zela 99.57 te chu enkawl dam an ni tawh a. Nimin ah hri kai enkawl dam an awm belh loh avangin hri kai enkawllai pawh mi 26 lai an awm leh tawh a, hri kai zingah mi 35 an boral tawh bawk a ni.

Serchhip District-a COVID-19 hri kai enkawllai te hi North Vanlaiphai-ah mi 6, Serchhip leh Khawlailung-ah mi 4 ve ve, East Lungdar leh Thenzawl-ah mi 3 ve ve leh Piler, Lungpho leh Mualcheng-ah mi pahnih theuh te an ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »