Food Processing Training nei

Zonuna Kawlni /

Mizoram-a tlawmngai pawl pakhat, Cod Nerc leh Bread for the World (BfdW) te hmalakna in nimin khan Serchhip-a Cod Nerc hnuaia Peoples Organisation te tan Food Processing Training neih a ni.
 He Training hi Serchhip Kawnpui VC Hall-ah neih niin a hawnna tawi Ramlai PO Chairman HT. Thanghmingliana kaihhruai a neih ah Cod Nerc-a Field Facilitator ZC. Lalremruata leh Sr. Executive C. Hmingsangzuala te chuan thu sawiin, Bread for the World (BfdW) te nen an thawhhona leh he training buatsaih a nih dan te an sawi a. Cod Nerc hnuaiah hian VC hrang hrangah Community Based Organisation din a ni tawh a, khawsak harsa zawk ten ram hna hah taka thawk lova eizawnna an neih theih nana he training hi kalpui a nih thu leh Hmeichhia te chu a tinzawn ber an nih thu te pawh he hunah hian tarlan a ni bawk.


He Training-ah hian Lalhmangaihzuali M.Sc (Food and Nutrition) chu Trainer-ah hman niin he training-a tel mi 32 te chuan ni hnih chhung ei tur siam dan, a bikin Pickle siam dan te an zir dawn a, Vawiin hian chhunzawm lehin zawhfel tura ruahman a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »