STP in hmalakna tur rel

Serchhip Thalai Pawl (STP) chuan thalai te ruihhlo laka an him theih nan leh Serchhip bula Tuikum leh Mat lui humhalh turin hmalak an tum.

STP te hian nizan hmasa khan Online hmanga Meeting neiin tunhnaia Serchhip-a ruihhlo hluar mek ah kum naupang zawk te an him theihna tura inzirtirna hi neih relin, June 26-a International Days Against Drugs Abuse and Illicit Trafficking hman rualin bultan nise an ti a, hemi chung-changa inzirtirna hi Middle School atanga tan turin ruahman a ni.

Hei bakah hian STP hian Tuikum leh Mat lui humhalh chungchanga hmalak pawh relin, NH-54 laihna leivung paih in nasa taka heng lui te a tibawlhlawh chu pawi an tih thu an sawi a, leivung paih chungchangah luitui tibawlhlawh lo tura paih a nih theih nan thuneitu te hnenah thlen nise an ti bawk a ni.