COVID-19 hri kai enkawllai mi 166 la awm mek

/

Niminpiah khan Mizoram-ah Sample 282 enfiah leh niin heng atang hian COVID-19 hri kai mi 26 hmuhchhuah an ni a, Sample enfiah zawng zawng atanga chhutin za zela 9.22 te chuan hri kaiin nimin tlai thleng khan hri kai enkawllai mi 166 an la awm a ni.

Niminpiah a COVID-19 hri kai hmuhchhuah mi 26 zinga 25 te hi Rapid Antigen Test hmanga Sample enfiah 270 atanga hri kai hmuh te an ni a, Aizawl District-ah hri kai mi 10 hmuh niin Saitual District-ah 9, Lunglei District-ah 3 leh Kolasib, Serchhip leh Khawzawl District-ah hri kai mi pakhat theuh hmuh an ni bawk.

Hei bakah hian Aizawl leh Lunglei-a TrueNat Laboratory-ah Sample 5 enfiah a ni a, Lunglei District atangin hri kai mi pakhat hmuh belh a ni bawk a. ZMC-a RT-PCR Laboratory-ah Sample 7 enfiah niin hri kai hmuhchhuah an awm lo thung a ni.

Nimin khan Mizoram-ah hri kai enkawl dam mi 42 an awm belh ve leh thung a, heti hian nimin tlai dar 5:00 thlenga Mizoram-a hri kai hmuhchhuah tawh chu 2,28,060 niin an zinga 2,27,197 te chu enkawl dam an ni tawh a, hri kai hmuhchhuah atanga chhutin za zela 99.62 te enkawl dam an ni tawh a, hri kai enkawllai mi 166 la awmin hri kai te zingah mi 697 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »