Latest News

Serchhip District-ah mi 14,936 in vaccine la tawh

Inrinni thleng khan Serchhip District-ah mi 14,936 te hnenah COVID-19 Vaccine Dose 1-na pek ni tawhin an zinga mi 3766 te chuan Dose 2-na an la tawh bawk.

Serchhip CMO Office atanga thu kan dawn danin Serchhip District-ah hian Health Care Workers mi 724 te hnenah COVID-19 Vaccine Dose 1-na pe tawhin an zinga mi 711 te chuan Dose 2-na pawh an la tawh a. Frontline Workers mi 2490 ten Dose 1-na la tawhin an zinga 1667 te chuan Dose 2-na an la tawh bawk.

Kum 45 atanga 59 inkar mi 6629 ten Dose 1-na la tawhin an zinga mi 108 te chuan Dose 2-na an la ve leh tawh bawk a. Kum 60 chunglam mi 5093 te chuan Dose 1-na an la tawhin an zinga mi 1280 te chuan Dose 2-na an la ve leh tawh bawk a ni. Heti hian Serchhip District-ah mi 14,744 te chuan hri danna Dose 1-na la tawhin an zinga mi 3766 te chuan Dose 2-na pawh an la tawh a, vaccine Dose 1-na la tawh zinga zaa 25.21 te chuan Dose 2-na an la tawh a. Kum 18-45 ah hri danna la an la awmlo thung a ni.

Hetihlai hian Mizoram pumah chuan kumin January 16 atanga Inrinni thleng khan mi 2,25,852 hnenah Vaccine Dose 1-na pek a ni tawh a, an zinga mi 47,945 te chuan Dose 2-na an la tawh bawk a ni.

Comments

Chhiar Hlawhte