Latest News

Mimal inbeihna phurpui lo turin Speaker in chah

Mizoram Assembly Speaker Lalrinliana Sailo chuan Political Party te chu mimal inbeihna leh indona phurpui lutuk thin lo turin a ti.

Nimin-a Assembly Conference Hall, Assembly Annexe-a thuthar thehdarhtute a kawmnaah Lalrinliana Sailo chuan Political party-a a awm hnua a tawnhriat tlemte atanga a hmuhchian tak chu, Mizoram Political Party lian pahnih Congress leh MNF hian mimal inbeihna leh mimal indona an phurpui hluai thui lutuk thin nia a hriat thu a sawi a. PC party erawh principle neiin, mimal inbeihna an phur hluai ngai loh thu a sawi thung. Zoram People's Movement (ZPM) chungchang pawh sawiin Assembly Speaker hian, ZNP ni thin hian mimal inbeihnaah an ring an rawlh thui ngai lo a; amaherawh chu, ZPM an lo nih takah hian party Worker te pawh an firfiak ta lutuk deuh nia a hriat thu a sawi a. ZPM Party Worker te pawh in party lian pahnih sim tur nei nia a hriat, mimal inbeih chinna ang kha an nei tan ve tawh nia a hriat thu a sawi a. Mimal inbeihna hi chu Party President te hriatpuina em em lo a nih thin thu leh, Worker te leh thawktute lo kal thui tawh, dan ngam chi tawh loh vel avanga mimal inbeihna pawh hi thui tak a kal thin ni te pawh a hriat thu leh pawi a tih thu a sawi bawk.

Comments

Chhiar Hlawhte