Mizoram Ranking Table Tennis Championship chu Inrinni khan Aizawl-ah zawhfel niin Serchhip District atanga kal ten Medal 6 lain a pumpui-ah pahnihna an ni.
Aizawl Mission Veng-a khelh Mizoram Ranking Table Tennis Championship-ah hian Serchhip District Table Tennis Association hian player 5 tirin Medal 6 an rawn la a, heng te hi Gold Medal 4 leh Bronze Medal 2 a ni.
Serchhip District atanga kal zingah hian H. Lallawmkimi d/o H. Lalthakima, New Ser-chhip chuan Cadet Girls Single-ah Gold Medal lain, Sub-Junior Girls Single-ah Bronze Medal ala bawk a, R. Lalruatmawia s/o Vanlalsiamtluanga, New Serchhip chuan Cadet Boys Single leh Sub-Junior Boys Single-ah te Gold Medal lain, Junior Boys Single-ah Bronze Medal a la bawk a. V. Lalhriatzuali d/o V. Lalrosanga, New Ser-chhip chuan Youth Girls Single-ah Gold Medal a la bawk a ni.
Tun tuma Mizoram Ranking Table Tennis Championship-ah hian Mizoram District hrang hranga Club leh District 19 atangin infiammi an tel a, Serchhip District atanga kal te hi an Coach, R. Lalzuiliana hovin an kal a, a pumpui-ah pahnihna dinhmun an luah a, TECHMAZE, Aizawl chu an champion a ni.
Comments
Post a Comment