Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-a rawn raltlan enkawl zel tur a ni tih sawi

Chief Minister Zoramthanga chuan Myanmar ram buaina avanga Mizoram-a rawn tlanlutte chu duat takin enkawl zel an nih tur thu a sawi.

Inrinni-a Khawzawl-a amah lo kawmtu mipuite hmaa thusawiin Chief Minister, Zoramthanga chuan Myanmar buai avanga Mizoram rawn lutte chu Mizoram sawrkarin duat takin a enkawl tur thu a sawi a. Heng raltlante chhawmdawlna tur sum pawh a tul dan angin pekchhuah zel an tum thu a sawi bawk. Chief Minister Zoramthanga chuan District Headquarter thar pathumte chu MLA inthlan leh atang chuan an khaw hming ang zela Constituency hming pu tawh turin hming thlak rawtna Election Commission of India-ah thlen an tum thu sawiin, “Constituency ramri pawh hi a kikawi hlawm em avangin her danglam a tul kan ti viau tawh a ni,” a ti a. Ayodhya Temple sakna tur Mizoram sawrkarin pawisa thawh ve anga sawi chu pawisa an pek a hriat loh thu a sawi bawk.

Congress Party chungchang pawh sawiin Zoramthanga chuan, India ram hmun tinah Congress party chu hnim phumin an awm mek zel tih a sawi a, Mizoram-ah pawh MLA nilai leh an MLA hlui engemaw zatin Congress chhuahsan mai turin an nghing luai luai tawh tih a sawi a. Kum 2021 MLA Inthlanpui neih leh turah pawh hian an 'Arte lukawn' hial mai thei niin a sawi. Serchhip bial Assembly bye-election neih turah hnehna chan ngei an inbeisei thu sawiin, “MNF sawrkar hi tih ngheh sauh sauh a ni zel dawn,” a ti bawk.

Comments

Popular News (Last 30 Days)