Kaihhruaina zawm turin ti

Serchhip District Bawrhsap chuan tun thla ni 23-a Mizoram sawrkar in COVID-19 laka mipuite kan him theih nana kaihhruaina a siam te chu zawm theuh turin mipuite a hriattir.

Hemi chungchanga Serchhip District Bawrhsap thuchhuah chuan sawrkar Office leh Office dang ten sawrkar in SOP a duan te leh COVID-19 Appropriate Behaviour te an kalpui tur a ni tih tarlangin, District Hqrs. ah zan dar 10:00 leh zing dar 4:00 inkar ah Curfew puan a nih angin mipuite chu he hun hi bawhchhe lo tura hriattir an nih thu a tarlang.

Heng bakah hian pawn (vantlang/pui-punna hmun, Dawr, Office, Damdawi In, Clinic leh a dang te) a chhuak turte reng reng in hmai tuam tur a nih thu te, Bazar, Dawr, Petrol Pump/Filling Station leh sumdawnna hmuna Social Distancing kenkawh chungchangah a neituten mawh an phurh tur thu tarlangin, Dawr zawng zawng ah dawrtute chhinchhiahna lehkhabu (register) an chhawp tur a nih thu leh Sulhnu apps an hmang ngei tur a ni tih pawh a tarlang a, Dawr neitute'n dawrtute tan Hand Sanitizer an chhawp ngei ngei tur a ni tih a tarlang bawk.

Hei bakah hian mipui punkhawmna Sakhaw biakna hmun, Games and Sports Practice leh Tournament neihna, Cinema Hall, Auditorium, Community Hall, intawllenna hmun dangte leh chhiatni/thatni-ah a hmuna leng zat zatve (zaa 50) aia tam lo punkhawm theih a nih thu leh vantlang hmun leh dawr-a kal te chu ft. 6 tala inhlat tur a nih thu a tarlang bawk.

Comments

Popular posts from this blog

Volleyball S/F khel dawn