MPCC in Sawrkar hmalakna tlai deuh ah an ngai

Mizoram Pradesh Congress Committee (MPCC) chuan COVID-19/Conovirus chung-changa sawrkar hmalakna chu tlai lu deuh hret-a an ngaih thu an sawi.
Nimin a thuchhuah an siam ah MPCC chuan khawvel pum a mi 3500 chuangin an thihpui tawh natna hlauhawm COVID-19 chuan India ram mai ni lovin, India hmarchhak hial a lo thleng ve ta tih tarlangin, Mizoram dinhmun pawh a him lo ta takzet ah an ngai tih an tarlang a. Mizoram sawrkarin Mizoram venhim tuma theihtawp a chhuah chu lawmawm an tih thu tarlangin, Mizoram chhimlam Siaha District lama Myanmar nena kan inkalpawhnate khar a ni ta pawh lawmawm an tih thu an tarlang a, China leh khawchhak lama hnathawka awm tam takin endikna hmachhawn lova ramri an paltlang hman ni a a lan avanga pawi an tih thu tarlangin, Myanmar nena kan inkalpawhna lian ber Champhai District leh hmun dangte pawh khar rih mai nise an duh tih an tarlang a. He natna hlauhawm takin Mizoram a lo thlen loh nana Pathian hnena tawngtai turin Mizoram mipuite leh Kohhran te an ngen bawk.

Comments

Chhiar Hlawhte