Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

MHIP in Gutkha zuar hmu lo

/
MHIP Sub-Hqrs. Serchhip leh Serchhip Police te chuan nimin khan Serchhip-a Dawr then-khat tlawhin Sikhaar leh a kaihhnawih dang zuar an awm leh awmloh an enfiah.
MHIP Sub-Hqrs Serchhip te hian Serchhip Bazar-a dawr thenkhat, a bikin Wholesale dawr te chu Gutkha product lam chi reng reng te zuarlo tura ngenna lehkha an lo chhuak tawh a, heng an lehkha pek te hi an zawm ngei em tih nimin khan Serchhip Police te nen an dawr hmunah kalin an enfiah a, Wholesale dawr hrang hrang an enfiahna ah hian Gutkha Product zuar hmuhchhuah an awmlo a. MHIP Sub-Hqrs. Serchhip te chuan wholesale dawr te chu an ngenna an ngaih pawimawh sak avanga an lawm thu sawiin, Gutkha Product lam chi reng reng zuar lo zui zel turin an ngen bawk a ni.

Comments

Post a Comment

Popular News (Last 30 Days)