Swachh Bharat Mission-in Health Camp buatsaih

Nimin khan E. Lungdar-ah PHE Department-a Swachh Bharat Mission (Gramin), Serchhip District leh Mercy Hospital, New Serchhip \ang-kawp chuan Health Camp an buatsaih.

Health Camp hawnna inkhawm tawi, Thangburha Hall-a Er. Samuel LR. Ralte, SDO, PHE Department E. Lungdar chuan kaihruai a neih ah Er. F. Lalsanglura, Sr. EE, PHE Department, Serchhip WATSAN Division chuan Health Camp hi hawngin Public Health Engineering Department-in Health Camp buatsaih tura an ruahmanna te chu lawmawm a tih thu sawiin, PHE Department chuan hriselna atana \ul ber tui lak a buaipui hmasa a, tunah chuan hriselna atana pawimawh dang faina kawngah pawh nasa takin hma a la chho mek a, mipui vantlang hriselna tur atan an theih chinah hma a la zel dawn tih a sawi a, hriselna nei turin invawn-fai kawngah mipui pawh kan harh a \ul a ni, a ti.

He hunah hian PC. Lalnunpuia, Managing Director, Mercy Hospital chuan Health Camp an kalpui dan sawiin, Samuel Lallawm-zuala, District Coordinator, SBM (G) chuan lawmthu sawiin hun a khâr a ni.

He Health Camp-ah hian Mercy Hospital-a Doctor bakah Serchhip District Hospital a\angin Ortho leh Surgeon Doctor-ten damlo te an en a, inentir tur hian E. Lungdar khua bakah a chhehvel khua a\angin an kal a, chawhnu lamah E.Lungdar PHC-ah zai tenau (minor surgery) tih nghal a ni. Hetiang programme hi PHE Department-in Mizorama an buatsaih vawikhatna a ni.

Nimin a he Health Camp hawnna a khuallian Er. F. Lalsanglura hian nimin vek khan East Lungdar leh Biate khua te tana tuilakna hna thawh mek te chu a hmunah tlawhin hna kalmek te a enfiah nghal bawk.