Latest News

Sorkar in Pisa chawlh atan ni thum puan belh leh

Mizoram sorkar chuan nakum, 2018-a Mizoram sorkar Pisa chawlh atana a telh loh ni 3 te chu sorkar Pisa chawlh ni turin a telh thar leh.
Nimin a sorkar thuchhuah tarlan danin Mizoram sorkar in nakum 2018-a Mizoram sorkar Pisa chawlh atana alo puan tawha tello ni thum te hi sorkar Pisa chawlh atan telh thar lehin heng te hi January ni 11, Missionary Day te, June 15 YMA Day leh July 6, MHIP Day te an ni a. Heng ni thum te sorkar Pisa chawlh a puan a nih loh avang hian Social Media hrang hrangah sorkar demna hmuh tur a tam hle a. Mizoram sorkar a GAD Commission & Secretary chuan nimin khan hriattirna hi a chhuah leh ta a ni.
Mizoram sorkara General Administration Department (GAD) chuan tunhnai khan hriattirna tichhuakin kum 2018 chhunga sorkar chawlh (holiday) atana puante a tichhuak a; GAD notification-a a lan danin, kum 2018 (calendar year) chhunga Mizoram sorkar holiday atana puan ni 17 zinga ni 15 chu hna thawh ni pangngai (weekday)-a tla a ni a, ni pahnih - Remna Ni leh Idul Fitr (June 16) erawh chu chawlh ni awm sa, Inrinni-ah a tla thung a ni. GAD chuan restricted holiday atana puan ni 33 siamin Sorkar hnathawkte chuan restricted holiday ni 33 zinga an duh ber ni hnih chu an chawlh ni atan an hmang thei dawn a, heng restricted holiday zingah hian tuna Holiday atana puan leh tak ni thum te pawh hi telh a ni hman a ni.

Comments

Popular News (Last 30 Days)