Serchhip District Jail-a kumtlinglo tang an awm leh awmloh enfiahna neih a ni

/

Serchhip District Jail Inspection Team chuan nimin khan a vawikhatna atan Serchhip District Jail chu tlawhin he Jail-a tang te zingah kum tlinglo tang an awm leh awmloh an enfiah.
Nimin a Serchhip District Jail tlawhtu te hi Inspection Team Leader, Lalngaihmawia Zote, Principal Magistrate chuan hovin Serchhip District Child Protection Unit-a DCPO, Lalsiampuii bakah Team member dang te an tel a, Serchhip District Jail-ah hian tunhnaia ILP Check-a ILP nei lo hnamdang mi dahluh 20 zinga pathum chuan kumtlinglo, kum 17 niin an insawi a, amaherawh chu hei hi finfiahna awmlo a nih avangin anmahni chhawrtute zawhfiah leh tura tih a ni. Serchhip District Jail-ah hian hawn a nih a\anga tang tam ber \um thleng mekin tunah hian mitang 77 an awm a, an zinga 5 chu hmeichhia an ni a. District Jail enfiahtute hian Jail Ward tin fangkualin, mitang te chu ngun tak takin a mal malin an en a, kumtlinglo nia rinhlelh te chu an kum an zawt nghal zel a. Hnamdang, kum 17 nia inchhal pathum zinga pakhat hian a kum hi a sawi danglam fo nghe nghe a ni.

Nimin a Serchhip District Jail tlawhtu, District Jail Inspection Team Member te lo dawngsawngtu Jail Superintendent, Lalbiakthanga chuan Team Member te zawhna chhangin Serchhip District Jail-ah hian harsatna tawh an neih lemloh thu a sawi a, ei leh in, Power Supply leh Tui supply pawh \ha takin an dawng mek tih sawiin, Jail tang te thubuai ngaihtuah tura hruaitu Police ten a hun taka Jail an hruai thlen loh \hin avangin tlai lama Jail kharfel kawngah erawh harsatna an neih \hin thu a sawi thung.
Serchhip District Jail Inspection Team hi dan ang taka din niin, thla li (4) dan zelah Jail hi enfiah \hin tura tih an ni a. Serchhip District Legal Services Authority chuan Jail-ah hian dan kawhmuhtu, chawlhkar khata vawikhat hawn \hin Legal Aid Services an din a, sorkar hriatpui ni lem lo, inhriatthiamnaa thawhhona in Pathian thu lama anmahni kaihruaitu tur Evangelical Board a awm bawk a, hemi te ruahmanna hnuaiah hian pawn lam a\anga Jail tang te inkhawmpui \hin an ni bawk. Serchhip District Jail tlawhtute an vaiin mi 7 niin an zinga pahnih chu MJA leh YMA Sub-Hqrs. hruaitu leh College Lecturer pahnih te an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »