Mizoram Road Fund Board (MRFB) Chief Minister kaihhruaiin an thukhawm

Mizoram Road Fund Act 2007( Ammended in 2016) leh Mizoram Road Fund Rules, 2017 tlawhchhan a din, Mizoram Road Fund Board (MRFB) chu nimin khan Chief Minister's Conference Hall-ah a vawikhatna atan Chief Minister, Lal Thanhawla hovin an \hukhawm.

He \hutkhawm ah hian Chief Minister chuan Mizoram chhunga kawng tam tak, a siamtu ten kum 5 chhung an lo enkawl tawh te, State sorkarin a enkawl chhunzawm chhoh ngai tam tak a awm belh vang te leh PWD enkawl kawng pui te chak zawka siam that vat a nih theihna tur te a thuneihna neia hnathawk turin MRFB chu din a ni tih a sawi a. khua in a zir veleh kawng siam\ha tura hna thawh \an a nih tur thu a sawi bawk. He hunah hian PWD Principal Secretary, Lal Ramthanga chuan Mizoram kawngpui dinhmun tarlangin, tun dinhmunah Mizoram chhunga National Highway KM 1465 chu Chief Engineer-Highways kaihruaina hnuaia MPWD chuan Ministry of Road Transport and Highways(MORTH) a\anga sum a hmuh in enkawl mek a. Aizawl khawpui chhung kawngpui te, World Bank leh Asian Development Bank project hnuai kawngpui leh Kolasib Division tih loh zawng chu Chief Engineer (Roads) kaihhruaina hnuaia enkawl a ni thung.

Chief Engineer (Roads) enkawlna hnuaiah hian State Budget hmangin kawngpui KM 4662 a thui leh Lei 105 enkawl mek a ni a. Kawng enkawlna ah hian hnim samfai, kawng chhelai khuh \hat, kawngkhuar hnawhkhah, tuihawk luankawr thenfai, culvert siam\hat leh lungrem thawm\hat bakah kawng a thing leh mau tlu thenfai te thlengin a tel a. Heng senso atan hian kum 2015-16 khan Cheng vbc. 33.50 dah niin 2016-17 atan Cheng vbc. 36.70 dah a ni a, 2017-18 atan cheng vbc. 39.50 dah a ni. Hetihlai hian Mizoram chhunga registered vehicle, 2015-16 lirthei chhiarpui behchhana awm zat chu, lirthei chi hrang hrang 1,65,000 zet a ni.

He hunah hian PWD E-in-C, R. Vanlaltluanga chuan PWD chhut dan leh senso mamawh zat sawifiahin, tuna kawng enkawlna atana state budget a sum dah chuan Normal Maintenance - kawngkhuar khuh \hatna, leimin thenfai, kawng ko samfai leh a tesep pawh daihlo tih a sawi a. Alkatra luan kawngpui te a lo chhiat a siam\hat, kawngbal siam \hat, culvert siam \hat, lei thawm \hat leh kawng enkawlna hna hautak zawkte thawk thei tur chuan kum khat ah cheng vaibelchhe 257.96 tal sen a ngai tih a sawi a. Kumkhat chhunga alkatra luan kawngpui KM 1 thawm \ha/enkawlna turin Rs. 70,000 leh Alkatra luanloh kawng KM 1 a thui siam\ha/enkawlna turin Rs. 40,000/- a ngai anga chhut a ni, a ti a. Kumin June thla thlenga leimin/lei tawlh report PWD in a dawn zat chu 984 a ni a, Kawngpui chat thla, tlabal 81, Retaining Wall chim 40 deuh thaw leh Culvert chhia ringawt pawh 94 zet a ni hman tih a tarlang bawk.