Lengpui Airport-ah Medical Facilities sawihona nei

Lengpui Airport-a Medical Services awm mek tih changtlun dan tur chungchang chu tunhnai khan Health Commissioner, Lalrinliana Fanai hovin sawiho a ni.

Lengpui Airport-a Medical Services facilities awm mek hi a beitham hle a, hei hi tihchangtluna, VVIP, VIP leh khual-zin te, an damlo thuta an mamawh inenkawlna zualpui pe thei tur in Medical Services siam a \ul thu he hunah hian tarlan a ni a. Lengpui Airport-a damlo enkawlna leh bawihsawm dan chungchangah Lengpui Airport Health Advisory Committee din a \ul thu sawilan niin, Medical services tih changtlunna tur room pakhat an pek belh theih thu Aviation Wing in an sawi nghal bawk. Lengpui Airport hi Health Department duty post a ni lo chungin Lengpui PHC-a Doctor leh Nurse te an duty \hin a, hei vang hian he duty Post atana post siam chu DP&AR lamin bawhzui se an ti a ni. He airport-ah hian venhimna hna thawkte tiamin thawktu 334 vel an awm a, nitin khualzin lut leh chhuak 700 bawr vel an awm \hin a ni.