Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.

Jail tang tana Pathian thu zirna tur tlangzarh a ni

Prison Department changtu Home Minister, R. Lalzirliana chuan nimin khan Aizawl-a Central Jail-ah Jail chhunga Pathian thu zirna atana siam zirlaibu ‘Nun kawng dik’ chu a tlangzarh.
Set Free Ministries, India buatsaih he hunah hian Home Minister chuan Jail tang ten kawng dik zawk an zawh theihna atana Set Free Ministries-in zirlaibu an buatsaih chu lawmawm a tih thu a sawi a. Mite tana malsawmna nih hi kan tum ber tur a nih thu sawiin, Set Free Ministries chu hemi kawngah hian an entawntlak hle a ni, a ti a. Minister chuan kalkhawmte hnenah Jail chu inhremna ni lovin nun siam\hat nan kan hmang thei a ni, a ti a. ‘Nun kawng dik’ zirlaibu chu ngun taka zir tur leh hun lokal zel turah pawh chhungte leh khawtlang tana mi \angkai ni turin a fuih bawk.
‘Nun kawng dik’ zirlaibu hi Jail tangte tan bika siam niin Set Free Ministries buatsaih a ni a. Zir duhte tan chauh zir tura zirlaibu hi siam a ni a. Zirlaibu hi bung sarih (7) ah \hen a ni a. Zir hun chhung hi thla thum (3) niin thla thum ralhnu hian exam huaihawt a ni dawn a. Hemi exam-te tan hian Graduation Day leh Certificate hlanna hun neih tura ruahman a ni.

Comments

Popular News (Last 30 Days)