Hualtu khua ah Education Awareness Campaign nei

Hualtu Village Council leh zirtirtute huaihawtin niminpiah khan Hualtu khua ah Education Awareness Campaign neih a ni a, he hun hi District Education Officer, Lawmawma chuan khuallian niin a hmanpui a ni.

He Campaign-ah hian District Education Officer, Lawmawma chuan zirna ah Zirtirtu, zirlai nu leh pa, zirlai leh khawtlang hruaitute an pawimawh vek tih sawiin, kan \an tlan a \ul thu a sawi a. Zirna hian tawp chin a nei lo tih sawiin, “Kan pian Ni-ah zirna kan \an a, kan thihin zirna a tawp chiah a, chuvangin zirtirtute pawh inzir reng tur kan ni,” a ti a. Zirtirtute chu naupangte entawn tlaka zuk leh hmuam leh ruihhlo laka fihlim turin a chah a. Zirna In a\anga yard 100 huamchhungah vaihlo leh a kaihhnawih lam thil zawrh khap tlat a ni tih sawiin, naupang kum 18 hnuailamte chu vaihlo leh vaihlo a\anga siam reng reng lei tura tirh phal anih loh thu leh an hnena hralh chu dan bawhchhiatna a nih thu a sawi bawk.

He hun hi Govt. Chhiahtlang High School-a Headmistress leh kumin a State Award for Teachers chawimawina dawngtu, Zoramchhani pawhin hmanpuiin zirtirtute chu naupangte enkawl tura Pathian in a aiawha a dahte an ni tih sawiin, an hna ngai pawimawh turin a chah bawk. Hualtu khuaa Education Awareness Campaign-ah hian Village Council member, Zirtirtute, khaw-tlang hruaitute leh zirlai \hahnem tak an tel a ni.