MZP Hqrs. Serchhip buatsaih Career Awareness Campaign nei

MZP Hqrs. Serchhip te buatsaihin nimin khan Serchhip Auditorium-ah zirlaite tan an kal zelna atana kawng inkawhhmuhna hun, Career Awareness Campaign neih a ni.

MZP Hqrs. Serchhip buatsaih he hun hi an Vice President, H. Lal-lawmkima chuan kaihruaiin he hun khuallian nia hmanpuitu Aizawl FC President, Robert Ro-mawia Royte chuan hlawhtlinna chu finna leh thiamna ah a innghat tih sawiin, chumi tur chuan thawhrim pawh a ngai tel tih a sawi a. He huna Zirlai kalkhawmte chu Smart World-a Smart Phone hmang chho mek a nih angin mi Smart, mi thiamloh thiam nih tum tur leh ruihtheih thil-a fihlima nu leh pa thu awih tura fuihin, he hun hman hian Serchhip District chu mithiam tamna hmun ah a hlankai ngei a beisei thu a sawi a. 'Tum hniam lutuk chu pawikhawihna tling' a ni tih India President hlui, Dr. APJ. Abdul Kalam-a thusawi sawi chhawngin, thil a eng zawnga thlir mi nih tum tlat turin a chah bawk.

He huna Khual Zahawm RMSA Ser-chhip District-a Dy. DPC, PC. Vanlalluna pawhin thu sawiin nakina dinchhuah nan tuna hrehawm tawrh peih a ngaih thu a sawi a, Chakma te Mizo laka an zam loh chhan chu thiamnaa an chungnun zawk vang niin a sawi bawk. Career Awareness Campaign-ah hian Resource Person atan Vabei-mozachhi Chozah, MCS Serchhip hman niin mi tih ang a nih avanga kal ve mai lova, mahni tuina line thlan thiam a pawimawh thu a sawi a ni. He hunah hian MZP Gen.Hqrs President Lalsangzuala Ngente leh MSU Gen. Hqrs. President, RB. Lalmalsawma leh MZP Hqrs. Serchhip President, T. Biakchamliana te pawhin thu an sawi a. Serchhip District-a MZP Sub-Hqrs. 7 leh Branch 11-ah te pawh hetiang hun hi hman leh tura ruahman niin nimin a he hun hmanna ah hian Serchhip-a High School leh Higher Secondary School-a zirlai naupangte leh sawm bikte an tel a ni.