YMA te dinna ngai ah la ding chhunzawm zel

Sub-Hqrs. YMA Serchhip ten Serchhip Sports Complex-a Artificial Grass phah tura hna thawh mek a nihna tur ang lova thawh nia hriaa UD&PA Minister, Zodintluanga’n a rawn enfiah ve hma chu hnathawktu te pawh an hna lo chhunzawm tawhlo tura an ngenna chu kalpui zui zel an tum thu an sawi.

Sub-Hqrs. YMA Serchhip President, R. Sanghmingthanga hnen a\anga thudawn danin- nimin khan he hna thawktu Agni Shanti Pvt. Ltd. a Project Manager, Paritosh Goel chu Serchhip-ah lokalin Sub-Hqrs. YMA ten an hna thawh mek chhunzawm rihlo tura an ngenna chungchangah hian YMA hruaitute nen an inkawm a. Agni Shanti Pvt. Ltd. Project Manager chuan YMA hruaitu ten Grass phah hnuaia tui luanna tur siam loh an complaint chu Champhai-ah pawh an siam lo nia a sawi avangin Champhai-a he hnathawh hre chiangtute phone-a biak nghal niin, anni chuan a hnuaia tui paihna chu siam ngei a nih thuin an lo chhang a. A hnuai inthuahthip pathum tur pawh a mumal lo nia YMA te sawi pawh thil siam\hat har a nih loh avangin YMA te chu \ha taka hna thawh chhunzawm remti turin a ngen a ni. YMA hruaitute chuan he hna hi duhdah taka hlawk taka thawh tumna awm a an hriat avangin an phut ang ngeia UD&PA Minister en phawt an la phut tih an sawi thung a, Sub-Hqrs. YMA President chuan hnathawh \halo do tura \anrual a \ul thu sawiin, nakin zela hman zui tlak lohva hna thawh a nih a hlauhthawn thu a sawi bawk.

Tarlan tawh angin Serchhip Hmar Veng-a Sports Stadium sak mek hi Inrinni khan Sub-Hqrs. YMA Vigilance & Monitoring Committee chuan enfiahin an thil hmuhdan SEC Meeting a report a nih hnuah Thawhlehni tlai a\ang khan hna chhunzawm rihlo turin thawktute chu an ngen a ni.