Bawrhsap in MJA (SD) member te a kawm.

‘Serchhip in nasa takin hmasawnna hmel a hmu’ - DC Serchhip

Serchhip May 05: Serchhip District Bawrhsap thar, Sangchhin Chinzah chuan nimin khan MJA Serchhip District Member te chu a Pisa-a leng-ah sawmin inkawmna an nei a. Serchhip-a a awmloh chhungin Serchhip khua chuan nasa takin hmasawnna hmel a hmu tawh nia a hriat thu a sawi.

Nimin a Serchhip DC Office Chamber-a Bawrhsap in MJA Member te a kawmna hunah hian Bawrhsap, Sangchhin Chinzah chuan kum 1999 a\anga 2002 chhungin Serchhip-ah BDO hna chelha a lo awm tawh thu sawiin, Serchhip-a a awmleh chu mahni khuaa haw ang nia a inhriat thu a sawi a. Serchhip khuaa a awmloh chhungin khawtlang hmel nasa taka alo danglam tawh thu pawh sawiin, kawngpuia tlan mai pawh a \ha zawnga danglamna tam tak hmuh tur a awm thu te, Serchhip-a an awm laia bul an lo \an Khawtetlang-a Playground peihfel alo ni ta te chu a hmuhnawm mai bakah lawmawm a tih thu a sawi a. Thuthar thehdarhtute chu mipuite sukthlek siam saktu an nih avangin an pawimawh em em a, a \ha zawng leh a chhe zawng pawhin mipuite hi an kaihruai thei hle a ni, a ti a. Hei vang hian Serchhip District MJA te pawh a \ha zawnga mite zirtirtu, ramin hma a sawn zel theih nana mipuite kawhhmuhtu an nih zel a beisei thu hrilhin, kawng tinrengah anmahni thawhpui turin a inralring reng tih a hrilh a. A \ulna a piangah finchhuah \hin turte, inpawh tlang taka an ngaihmawh zawngte sawipui \hin turin chanchinbumite hi a sawm bawk.

Bawrhsap chuan Serchhip khua chu mi diklohna ngawt sawia khei \hin leh khaw sual an nilo tih chu a hriat \hin dan a nih thu pawh sawiin, harsatna awm te pawh \ha taka inhrilhfiah a nih chuan hrethiam thei tak an nih \hin thu a sawi a. Engkim ti thei tu an ni lo tih sawiin, Dan hnuaiah Dan anga hna thawk tura dah an nih thu a sawi a, Serchhip-a Officers Club \ha tak a ding chu Depart-ment hrang hrang inkara thawhhona \ha tak siamtu a nih thu a sawi bawk.

Bawrhsap chuan Sorkar in Programme hrang hrang a kalpui thu sawiin, heng hna te hi \ha taka thawka mipuite tana ti hlawhtlingtu ni tura sorkar in a rawih an ni tih inhre turin sorkar hnathawk zawng zawng te pawh a chah a, chutianga hna an thawk peihlo a nih chuan hlawh la tlak an ni lo tih an inhriat a pawimawh thu a sawi bawk.

He inkawmna hunah hian MJA Serchhip District General Secretary, Zonunsanga Kawlni chuan MJA Member te inhmelhriattirna hun hmangin MJA Serchhip District President, C. Lalhminghlua chuan Serchhip leh mipui ten hma an sawn theih nan MJA leh District Bawrhsap ten thawhhona \ha tak an neih chu an duh thu sawiin, khawtlang-ah harsatna alo awm a nih pawhin an theih anga tha thawh turin thuthar theh-darhtute chu an inhuam reng tih a sawi a. Sorkar hnathawk zingah Media mi ngheng hnai duhlo tlat an awm \hin thu pawh sawiin, hetiang ni lova Bawrhsap thar in Media te ngheng hnaia inkawmna nei tura leng tura a sawm nghal chu lawmawm a tih thu a sawi a. A duh apiang ten an duh dan leh ngaihdan an puanzar theihna turin Chanchinbu mi te chuan Platform an buatsaih sak tih sawiin, hei hi chanchinbu mite thu puan-zarna tur bik ni lovin an duh apiang ten an hman \angkai theih a nih thu a sawi bawk.

Serchhip District Bawrhsap thar, Sang-chhin Chinzah hi District Hqrs. a Serchhip hlankai a nih hnu, kum 1999 chho a\ang khan BDO hna chelhin Serchhip-ah hian a rawn awm tawh a, hemi hnu hian sorkar hna hmun hrang hrangah thawk kualin thla kalta, April thla tir a\ang khan Serchhip DC 14-na ni turin a rawn awm leh a ni.

Nimin a Bawrhsap leh MJA Member te inkawmna hunah hian MJA Member mi 10 zingah 7 telin Bawrhsap hi Addl. DC, Zosangzuali Pachuau, SDO (Sadaar) R. Vanrengpuia leh Serchhip DIPRO, K. Saitluanga ten an \awiawm a, an thil ngaihmawh hrang hrangte huamzau takin an sawiho a ni.