Zeng hri umbo tura beihpuithlak thawhkhatna Serchhip District-ah Bawrhsap in a hawng.

Rampuma Zeng hri umbo beihpui thlakna tura hmalakna atan nimin khan Serchhip District-ah naupang kum 5 hnuai lamte hnena Zeng hri danna pek beihpui thlak thawhkhatna (IPPI First Round) chu \an a ni a. He beihpui thlakna hi District Bawrhsap, Dr. Lalrozama, IAS chuan New Serchhip Bazar-ah a hawng a ni.

Zeng hri danna pek beihpui thlak thawhkhatna hawnna inkhawm ah hian Bawrhsap, Dr. Lalrozama chuan India ram chu Zeng hri awm tawh lohna rama puan ni tawh mahse he natna hrik hi kan \henawm ram ah te a la awm avangin inthlahdah zui mai theih ala ni lo tih a sawi a. |henawm ramte nena intlawhpawh tawn reng kan nih avangin engtiklai pawhin kan la kai thei reng tih sawiin, “Hei vang hian Zeng hri danna vaccine pek hi sorkar chuan ala kalpui zel a, vawiin ah pawh kum 2017 atana a thawhkhatna neih \an leh a ni a, a thawh hnihna pawh March thla ah neih leh a ni ang,” a ti. Bawrhsap chuan, District chhung khaw tina nu leh pate chu an fa, kum 5 hnuailam zawng zawngte kim taka hri danna lak tir tura ngenin, an khuaa mikhual lo zin leh hnamdang kum 5 hnuailam awm zawng zawngte pawh pek vek tur a nih thu a sawi a ni. 

IPPI First Round-ah hian Serchhip District chhungah naupang kum 5 hnuailam mi 6271 vel awm tura chhut a ni a, a pekchhuahna hmun tur Booth hi 71 awmin nimin khan thawktuten heng Booth 71 a\ang hian damdawi hi an pe a, Vawiin, February ni 1 leh naktuk, Feb. 2 khian khaw tina In tin te lut chhuakin Booth-a damdawi la ve hmanlo te zawnchhuah hna an thawk anga, an chenna In ah damdawi hi an pe thung anga. Chumi hnuah Supervisor ten khawtina naupangten damdawi an dawn vek leh vek loh an enfiah nawn leh vek bawk ang.

Zeng hri danna pek beihpui Pulse Polio Immunization hi kum 1995 khan India ramah a vawikhatna atan Delhi ah bul \an a nih hnuin India ram pumah he beihpui hi neih zui a ni, a. India ram chu March 27, 2014 khan zeng hri awm tawhlohna ram (Polio Free Country)-ah World Health Organization in puang tawh mah se, Zeng hri la awmna ram Pakistan, Afghanistan ten min hual a, Zeng hri virus la pai thei te nen kan inkal-pawh reng avangin Zeng hri danna lak hi ngaih pawimawh ah sorkar chuan ala nei reng a ni.

Nimin zinga IPPI District Launching Prog-ramme-ah hian District Task Force on Immu-nization Committee member leh thawktu dang ten Bawrhsap hi an \awiawm a ni.