MJA (SD) Annual Conference neih a ni

Zirtawpni kalta, Feb. 10, 2017 khan MJA, Serchhip District chuan Serchhip Sub-Hqrs. YMA Meeting Hall-ah Annual Conference vawi 10-na an hmang a, he hun hi Chief Minister, Lal Thanhawla chuan khuallian niin a hmanpui a ni.

He hunah hian khuallian chuan State dangah Mizorama chanchinbumite intelkhawmna anga \ha hi a awm ve ngai lo tih sawiin, Mizoram chu Kristian ram kan nih anga thudik leh thu taka inchawm chhoh chu \ha a tih thu a sawi a, Ram inrelbawlnaah diklo hulhual kan hriatah chuan sorkar pawh kan sawisel tur a ni a, mahse constructive a ni tur a ni, a ti a, chanchinbumite chu mipuite tichiaitu ni lova, mipuite hnena thudik thlentu ni turin a chah bawk. Tunlaia buaina pakhat NIAS, Kolkata chungchang pawh sawiin, NIAS-ah hian LE&IT Department chuan zirlai 32 a thawn a, heng zinga zirlai 28 hian kum 2015 khan First year an exam a, an zinga 4-in an chhuahsan a, May thlaa Graduation exam nei mai tur pawh an la awm tih a sawi a. Heng zirlai kal zingah hian mi dukdaklo an awm ve a, chung mite thu chu MNF party chuan an la tih sawiin, Minister leh MLA te thil tisual ve thei lova an beisei tlat chu \ha lo a tih thu a sawi a, NIAS chu West Bengal sorkar hnuaia in-register a nih thu sawiin, a lem a nih leh nih loh endik turin MSU leh MZP aiawh mi pahnih ve ve tirh an nih tur thu a sawi bawk.

Chief Minister chuan MJA hruaituten a hnena thu an lo thlen tawh angin Mizoram-a chanchinbumite damloha inenkawlna leh chhiat tawha inralna atana hman \hin, Mizoram Journalist Welfare Fund chu tihpun a nih tur thu a sawi a, MJA, Serchhip District-ten Press Club an mamawh thu an lo thlen chungchang pawh sawi langin, Press Club hmun tur an neih ve leh Press Club sak bul \anna turin cheng nuai 10 a sanction nghal tur thu a sawi a, MJA, Serchhip District hnenah hian Conference pualin Rs.50,000/- a hlan nghal bawk a ni.

He hunh hian C. Lalhminghlua, President, MJA Serchhip District chuan MJA chu tu pawl tan emaw bika hma la thei an ni lo tih a sawi a, mimal leh sorkar te, pawlho te, political party leh political party inkara palai hna thawk tur a nih avangin fimkhur takin he pawl hi a kal a ni a ti bawk. MJA Gen. Hqrs. a\anga Conference hmanpuitu C. Lalhmachhuana, General Secretary pawhin Journalist Welfare Fund tipung tura Chief Minister hnena ngenna thlen a nih thu leh MJA lam pawhin sum engemaw zata dolêt dan a ngaihtuah ve mek thu a sawi bawk.

Tun dinhmunah Serchhip District-ah hian MJA Member 15 an awm mek a, chawhma lamah rorel inkhawm neiin Report hrang hrang ngaihthlak a ni. He Conference hi Bawrhsap, Dr. Lalrozama, IAS leh sorkar Officer te bakah VC leh tlawmngai pawl hruaitu ten an hmanpui a ni.