March 15-a lo hal vek turin Bawrhsap in hriattirna siam

Serchhip District Bawrhsap Dr. Lalrozama, IAS chuan ram kang leh Lo hal chungchangah thupek tichhuakin, Serchhip District chhunga huan, Lo leh Leipui hal turte chuan March ni 15, 2017 aia tlai lovah hal vek tur a nih thu a tarlang.

Hemi chungchanga thupek a tihchhuah ah District Ma-gistrate ni bawk, Dr. Lalrozama, IAS chuan The Mizoram (Prevention and Control of Fire in the Village Ram) Rules, 2001 Rule- 3 chuan thing leh mau ti chereu zawnga ramngaw leh huan lo ram hal a khap tlat tih tarlangin, mihring nunna leh bungrua tiderthawng zawng leh vantlang pawi sawi zawnga eng pawh hal te, mei chhem leh mei timit lova kalsan te a khap tlat tih a tarlang a. Mi tupawh in huan lo ram atana neih tuma eng pawh halral a duh chuan hmun dang kangkai lo turin a hal tur a ni tih a tarlang.

Bawrhsap thuchhuah chuan he Dan-in a sawi hi zawm vek tum turin mipuite a hriattir a, A chunga Dan-in a phut ang zawm chungin Ser-chhip District chhunga huan/Lo/leipui hal turte chuan March ni 15, 2017 aia tlai lovah hal vek tur a nih thu tarlangin, Mi tumahin meilam \ha tawk sial hmasa lovin huan/Lo/leipui a hal tur a ni lo tih a tarlang bawk.