Legal Metrology ten hma la nasa

/
Serchhip-a Legal Metrology-a thawk te chuan mipui ten an chanvo an chan theihna turin kum kalta chhung khan bukna leh tehna hrang hrang endik hna thawkin, dan bawhchhiah an man te a\angin Rs. 15,500/- an hmu a, sorkar sum bawm-ah Rs. 52,035/- an chhunglut bawk.
Serchhip-a Legal Metrology Inspector, Er. Lalsang-zuala hnen a\anga kan thudawn danin kum kalta (2016) January a\anga December thle thleng khan Serchhip-a Legal Metrology Department hian dawr leh sumdawnna hmun hrang hrang 690 inpection neiin Serchhip District-a LPG Truck trip 134 rawn thleng an endik a, Petrol leh Diesel rawn thleng trip 133 enfiah a ni bawk a ni. Legal Metrology Inspector chuan Eirawng-bawlna Gas leh Petrol leh Diesel rawn thleng te chu an endik hmasak loh chuan hlanthlak theih a nih loh thu a sawi a, heng eirawngbawlna Gas leh tuialhthei te hi a rawn thleng apiang enfiah hmasak a nih thu a sawi a ni.
Serchhip-a Legal Metrology-a thawk te hian Serchhip leh Thenzawl-a Petrol leh Diesel Pump khawl chu \um 8 endikin Serchhip leh Then-zawl ami hi vawi 4 ve ve endik a ni a, thla 3 dana endik zel ang niin hetah hian an tehna a tlin leh tlinloh te endik \hin a ni a, Petrol leh Diesel te hi a \hat leh \hatloh \um 36 endikin thla tin vawi-thum endik ang an ni a. Serchhip District-a Retailer 71 te pawh an bukna enfiah \hin niin Ser-chhip Town bik ami pawh \um 40 enfiah a ni.
Tui Meter vuah hna kalpui mekah Tui meter 1350 enfiah niin Tui Meter diklo 347 hmuh-chhuah a ni a, heng Meter diklo te hi hman phalloh a ni bawk. Heng thil kaihhnawih hrang hrangah hian Legal Metrology Department hian dan bawhchhia mi 9 an man a, heng te hi Gas phurtu te, Dan lova Gas zuar leh Dan lova Sikret zuar bakah MRP hmang diklo leh Retailer leh Sa zuar te an tel a, Department dang te nena thawkhoa dan lova Sikret zuar man leh an chawitir te chu heng zingah hian an telloh thu an sawi thung .

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »