Kangmei laka fimkhur a \ul zia inzirtirna Hapta, Fire Prevention Week hawnna Serchhip-ah neih a ni

Kangmei laka mipuite fimkhura \ul zia inzirtirna Hapta, Fire Prevention Week chu nimin a\ang khan Mizoram-ah hman \an a ni a. He Hapta hawnna hi Serchhip-ah chuan District Bawrhsap, Dr. Lalrozama, IAS hovin nimin khan DC’s Conference Hall-ah neih a ni.

Serchhip DC’s Conference Hall-a Fire Prevention Week hawnna inkhawm ah hian District Fire Prevention Committee Chairman leh District Bawrhsap ni bawk, Dr. Lalrozama chuan Serchhip District chhungah kum kalta chhunga kangmei venna kawnga hmalakna te fakawm a tih thu sawiin, lawmthu a sawi a, ram tihkan in a nghawng turte hrethiam tur hian mithiam nih kher a ngaihloh thu leh kan zavaia hmakhua atana thil \ul a ni tih hria a, ram tikang lo tura \anrual a \ul thu a sawi a, mei lam sial uluk turte leh mei lu khai uluk turin District chhung mipuite chu chahin, ram tikangtu chu Dan anga hremna pek an nih zel dawn thu a sawi bawk.

District Fire Prevention Week, 2017 hawnna inkhawm hi MJA Serchhip District President, C. Lalhminghlua chuan kaihhruaiiin he hunah hian Serchhip Joint Village Council President, C.R. Dothanga leh Sub-Hqrs. YMA Serchhip President, R. Sanghmingthanga te pawhin thusawiin, ram tikang lo tura VC leh YMA te nena \anrual a \ul an tih thu an sawi bawk.

District Fire Prevention Committee chuan kumin ah kangmei laka mipuite kan him theihna turin ruahmanna chi hrang hrang a siam bakah YMA, Village Council leh khawtina sorkar hnathawk awm ang angte hman \angkai dan tur a duang a, hei bakah hian suahsual vangte, Mautuai thar hmasa it mai mai vangte, ranchaw chawr hma tir duh vang mai mai te a ram halchingte zawnga, a ruka enthlatu tur leh thuneitute hnena report tu tur pawh khaw hrang hrangah dah an rel a. Khawtina YMA chanchinbu hman \angkai dan turte, District chhunga Cable TV awm ang ang hman \angkai dan turte, nitin chanchinbu-a nasa zawka mipuite zirtir dan tur ruahmanna te pawh a siam bawk.

Heng bakah hian District chhunga National Highway leh State kawngpui kam, awlsam taka meia dehkai mai theih chi zawng zawng; |hal khawro zual hmaa samfai tura thuneitu lama thlen te, khawtina hnawmpaihna hmun meilam sial lova hal lo tura inhrilh te, lirtheia chuang \hinte hnena ngenna siamte leh kawng hrang hranga hmalak dan turte an duang bawk a ni.

Nimin a Fire Prevention Week hawnna inkhawm ah hian Serchhip-a sorkar Deprtment hrang hrang Officer te, loneitute, tlawmngai pawl hruaitute leh thuthar thehdarhtute an tel a ni.