Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip P&E Veng-ah chenna In pakhat a kang

Nizan hmasa dar 10:30 rik hma hret khan Serchhip P&E Veng-a Lalduhsanga te In Assam Type chu bungrua engmah chuh hmanloh in a kangral a, mihring thi leh hliam erawh an awmlo thung.
He In kang-ah hian Lalduhsanga te nupa bakah an fate 4, Lalduhsanga nu leh pa, Van-chengte ami leh Vanchengte-a an nau pakhat, lehkha zir tura an awmpui mi pakhat, an vaiin mi 9 an khawsa \hin a. Lalduhsanga nu leh pa bakah zirlai naupang pakhat an awmpui te hi Krismas dawn khan an khua, Vanchengte-a Krismas hmang tura hawin Lalduhsanga te chhung-kua pawh hi Serchhip Hmar Veng-a a nupui te In-a Krismas hmang turin an chhuk bawk a, hei vang hian an In ah hian khawsa an awm rih lova, hei vang hian kangmei chhuah \an tak pawh hi hriat theih a ni lova, electric kalsual vang nia rin a ni.
    He In kang hi a \henawm ami ten hre hmasa berin kangmei a chhuak tih an hriat hian alo nasa tawh viau a, Tile bang chu tichhiain \helh tumin theihtawp an chhuah nghal a, amaherawh chu minute 3 vel chauh an \helh hnuah Gas bur a puak zui a, hei vang hian \helh hleihtheih a ni ta lova, Fire Services te hriattir nghal niin anni pawhin rang takin helai hmun hi a pan nghal a, In kang hi a chak avang leh a hmun a rem loh avangin duh anga \helh theih a ni lova, dar 11:00 vel khan mei hi tih mih niin a \henawm In kangkai tur pawh an veng thei a ni.
    He In kang ah hian bungrua engmah chuh hman a ni lova, TV, Washing Machine, Steel Alimirah 2 leh pawisafai tlem bakah bungraw dang zawng zawng a kangral vek a ni.            Serchhip-VIII VC leh P&E Veng Branch YMA te hmalakna in nimin khan khawtlang huap hnatlang neiin In kang senghawi hna thawh a ni a, kangmei tuar te tan hian Assam Type In, a dung ft. 24 leh a vang ft. 18-a zau a sak nghal tum niin RD Department hotuten In chung tur Rangva an tum sak dawn a ni.

Comments

Popular News (Last 30 Days)