Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram pumah Electoral Roll thar tarchhuah niin Bial 40-ah vote nei thei 7,39,976 an awm

    Mizoram pumah kum January ni 1-a kum 18 tling chinte laa Electoral Roll siam thar chu nimin khan District hrang hrangah tarchhuah a ni a, Mizoram puma Assembly Constituency 40-ah vote nei thei 7,39,976 an awm a ni.
Mizoram in Electoral Roll a hmanlai siam\ha tur hian nikum September thla khan Electoral Roll hmanlai chu Draft Roll-ah hmangin tarchhuah a ni a, Assembly Constituency 40 awmna Mizoram-ah hian Polling Station 1148 a awm a, heng ah hian vote nei thei Mipa 3,62,181 leh Hmeichhia 3,77,795, an vaiin 7,39,976 an awm a, Draft Roll a vote nei aia Final Roll-a vote nei tamna hi za zela 2.38 a ni. Mizoram pumah hian Electoral Roll siam\hat a nih hmain vote nei thei 7,22,739 an awm a, nimin a Electoral Roll thar tarchhuahah hian vote nei mi 739976 an awm. Vote nei punna hi 17237, za zel a 2.38 a ni.
    Mizoram-a Electoral Roll siam\hat hna thawhna tur atan hian Electoral Roll hmanlai chu Draft Roll-ah hmangin nikum, Sept. 15 khan Draft Roll tarchhuah a ni a, Draft Roll tarchhuah a\ang hian hming thun thar, paih leh siam\hat ngaite tan dilna hun hawn zui niin heng dilna te hi enfiah hna thawh zawh a nih hnuah Final Roll hi nimin khan tarchhuah a ni ta a ni.

Comments

Popular News (Last 30 Days)