Latest News

In sak hna chhunzawm zel

Tunkar Nilaini zan-a Serchhip P&E Veng-a kangmei tuar, Lalduhsanga te chenna In sak sak hnatlang chu nimin, a ni 2-na ah khan Serchhip-VIII Village Council leh Serchhip P&E Veng Branch YMA huaihawta neih leh a ni a, Serchhip P&E Veng Branch YMA hi Section pathum-ah in\henin heng Section hrang hrangte hian a inchhawkin hnatlang hi an nei dawn a, nimin khan mi 80 vel an thawkchhuak a, Vawiin ah chhunzawm leh a ni ang.

    Kangmei tuar te chenna tur In sak sak mekah hian RD changtu Home Minister, R. Lal-zirliana chuan Rangva Bundle 4 a pe a, bialtu MLA leh Chief Minister ni bawk, Lal Than-hawla chuan Rs. 10,000/- bakah Rizai 2, Blanket 1, Puannuam 1, Shawl 2 leh Bed Sheet pakhat a pe a, Serchhip DC in hnatlang te thingpui lumna atan Rs. 5000/- pein hei bakah hian Natural Calamity Fund a\angin In kang tuarte zangna-dawmna Rs. 75,000/- leh Bungrua chan avanga zangna-dawmna Rs. 3800/- hmuh beisei a ni a. Heng bakah hian mimal leh pawl hrang hrang ten kang-mei tuar te \anpuina hi an pe bawk tih Serchhip-VIII VC te chuan an sawi a ni.

Comments

Popular News (Last 30 Days)