SSA kalpui mek chungchang thlirho

Serchhip District-a SSA Mission thuneitu sang ber District Education Committee chu nimin khan an Chairman, District Bawrhsap, Juhi Mukherjee, IAS hovin a Office Chamber-ah an \hukhawm.

He \hutkhawm ah hian Ser-chhip District-a SSA Mission leh Mid-Day Meal hmalakna hrang hrang thlirletna leh hmachhawp neih mek chungchang te sawiho niin he Committee-a Member Secretary leh District Project Coordinator (SSA), C. Lalthanzira chuan SSA Mission hmalakna atana Project Approval Board (PAB) in kum 2014-15 atana budget a ruahman sak, cheng nuai 813.72465 a\angin nuai 295.59000 (36.32%) an dawn tawh thu sawiin, hmalakna hrang hrang atana pawisa mamawhte beisei anga an dawn theih loh avanga harsatna an tawh thu leh hmalakna \henkhat loh theih loha tihkhawtlai a \ul thu a sawi a. SSA hnuaia thawktu tam ber Zirtirtute hlawh Nov. 2014 thleng pek a nih tawh thu leh a la bang thla 4 hlawh pe tura hotu ten chak taka hma an lak mek thu a tarlang bawk. He hunah hian kum 2015-16 a\ang chuan Primary School bikah SCERT buatsaih zirlaibu thar leh zangkhai zawk hman a nih tawh tur thu te, English Medium leh Mizo Medium ten zirlai inang an zir tawh tur thu bakah |awng hman (medium of instruction) chiah a danglamna a nih tawh dawn thu tarlan a ni bawk.