Serchhip District Jail kumin a hawn beisei

Serchhip District Jail, Chhiahtlang-a sak chu kum 14 vel zet sak a nih tawh hnuah kumin chhung hian hawn hman beisei a ni.

Kumin a YMA Sub-Hqrs. Serchhip Conference in ‘Serchhip District Jail kumin chhung ngeia hawn a nih theih nan hmalak nise’ tia an lo rel tawh bawhzuiin YMA Sub-Hqrs. Serchhip hruaitute chuan nimin June 26, 2014 khan an President, Pu RL. Chhuanawma hovin Home Minister, Pu R. Lalzirliana chu a Office-ah kawmin hemi chungchang hi an thlen a, Home Minister hian Serchhip District Jail chu kumin chhung ngeia hawng tura hma lak an tum thu lo hrilhin, IG (Prison) hnenah hemi chungchang hi ziakin a thlen sak nghal a ni. Hemi hnu hian YMA Sub-Hqrs. Serchhip hruaitute hian IG (Prison) hi a Office-ah hmu nghalin hemi chungchang hi an sawipui leh nghal a, IG (Prison) chuan kumin chhung ngeiin Serchhip District Jail chu hawng tura hma an lak thu lo hrilhin, tunah hian Superintendent, Jailer, Asst. Jailer leh Warder (mipa 12 leh hmeichhia 4) lak an nih tawh thu alo hrilh a, heng mite hian thla thar July 7 a\angin thla hnih (2) chhung training an neih tur thu lo hrilhin, training an zawhfel hi chuan District Jail hi hawn mai theih beisei a ni a. District Jail chawmtu Electric Transformer chungchanga harsatna awm pawh a \ul anga hmalak pui an tum thu YMA hruaitute chuan an sawi bawk a ni. YMA Sub-Hqrs. hruaitute hi President bakah Secretary, Treasurer leh Fin. Secretary te niin Conference thurel dangte pawh bawhzuiin sorkar thuneitute an hmu nghal dawn bawk a ni.