Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Porcine Reproductive Respiratory Syndrome vangin Mizoram-ah Vawk thi tam tawh.

NLUP hnuaia Vawkpui vulhtu, Piglet Multiplication Centre chuan PRRS natna avangin vawk 1901 an chan tawh a, he nathna avang hian AH & Vety Department chuan vawk 243 an suat tawh bawk.
Piglet Multiplication Centre-a Vawk vulhtute hian nimin June 25, 2014 khan AH&Vety Minister, Pu C. Ngunlianchunga chu a Office-ah kawmin harsatna an tawh te an hrilh a, PMC hnuaia Vawkpui vulhtu te chuan PRRS vangin an vawk vulh 1901 thi tawhin, an zinga Vawk ti thi tam ber chuan Vawk 364 a chan tawh niin an sawi a, hmun \henkhat ah chuan Central sorkar duhdan ang a heng natna vei Vawkte hi tihral an nih thu an sawi bawk a ni. He hunah hian Pu C. Ngunlianchunga chuan Piglet Multiplication Centre-a vawk vulhtute harsatna sutlian nan hian Vawk note 10 \heuh pe tura ruahman an siam tawh thu leh Vawk thi leh a hri kai tih riral sak te pawh zangnadawmna tur pawh Central Sorkar ah an thlen tawh thu leh he natna PRRS dona tur hian Sorkar laipui pawh in sum engemawzat an rawn pek tawh thu a sawi bawk.
    Hetihlai hian AH&Vety Department Director Dr. LB. Sailo chuan Mizoramah Vawk 2,50,000 vel a awm anga chhut a nih thu sawiin, Mizoram-a Vawk ten PRRS an vei leh vei loh enfiah turin tun thlengin Vawk 1621 vel thisen test tura lak a ni tawh tih a sawi a, PRRS hri leng avangin zaa 75 dawnin PRRS an vei nia sawiin, PRRS hi Myanmar a\anga vawk rawn lut a\anga kaichhawn a nih thu leh a ruka Vety Check Gate paltlang lova kawng dang a\anga tawlh ru \hin an awm reng niin a sawi bawk.

Comments

Popular News (Last 30 Days)