RBI in kum 2005 hmalama pawisa note hnuhkir a tum.

Reserve Bank of India (RBI) chuan kum 2005 hma a pawisa (currency) note a pekchhuah ho, Rs. 1000/- leh Rs. 500/- huam in, March 31, 2014 a\angin a hnukkir (withdraw) dawn.

Tun thla ni 22.01.2014 khan RBI chuan he thuthlukna hi siamin, April 1, 2014 a\ang chuan RBI in pawisa note kum 2005 hma a issue ho chu bank ah thleng a ngai tawh dawn a ni. RBI thuchhuah chuan mipui te tan harsatna a awm an rin loh thu leh kum 2005 hma a pawisa note issue ah chuan pawisa note ah print kum a lan loh thu sawiin, mipui tan hei hi awlsam taka hriat hran theih a nih thu a tarlang. RBI chuan mipuite chu chiai lo tur leh RBI hmalakna chu \ha tak a zawm turin a ngen a. April 1, 2014 a\ang chuan khawi Bank ah pawh pawisa note hlui ho chu a thar in a thleng theih dawn thu a tarlang bawk. July 1, 2014 a\ang chuan Rs. 1000/- leh Rs. 500/- thleng tur, notes 10 ai-a tam chu, ID Proof leh Residence Proof thehluh tel tur a ni dawn bawk a ni. RBI hian an thil tum hi chiang takin sawi lang lo mahse, he hma lakna in a tum ber chu black money leh pawisa lem (fake) tih tlem leh khuahkhirh a nih theihna tura hma lakna a nih rin a ni. Tunah hian RBI in pawisa note thar a issue ah hian security features a tih belh a, chu chuan nasa takin pawisalem a thliar hrang thei dawn niin hriat a ni bawk. RBI hian Rs. 5/-, Rs. 10/-, Rs. 20/-, Rs. 50/-, Rs. 100/-, Rs. 500/- leh Rs. 1000/- note te a siamchhuak mek a ni.