Liapha khuaah Oil Palm Mill bun thar tum mek

Agriculture & Farmers’ Welfare Minister PC. Vanlalruata chuan Lawngtlai District-a Liapha khuaah Oil Palm Mill bun thar tumin hma an la mek thu a sawi.

Assembly Session neih mek a zawhna ziaka chhangin Agriculture Minister chuan Mizoram-ah Oil Palm Mill bun turin Patanjali Foods Limited ten Lawngtlai District-a Liapha khuaah hma an la mek tih a sawi a, Godrej Agrovet Limited leh Patanjali Foods Limited ten kut hnathawktute hnen atangin Oil Palm rah an lei sak mek thu a tarlang bawk a; National Mission on Edible Oils-Oil Palm (NMEO-OP) Scheme-in formula price a siam hmangin Oil Palm rah hralhna man bithliah thin a nih thu leh thla tin a hralhna man hi a danglam thin thu a tarlang a, sawrkar kum kal mekah company-te hian Oil Palm rah hi chawh rualin kg. khat Rs 14.13 in an lei thu a tarlang bawk.

Agriculture & Farmers’ Welfare Minister PC. Vanlalruata chuan National Mission on Edible Oils-Oil Palm (NMEO-OP) Scheme hmangin Oil Palm rah hralhna man puihna Viability Gap Payment (VGP) pek a nih thu leh VGP hmanga Oil Palm rah hralhna man puihna hi kum tin a danglam thu a tarlang a, kum 2022-23 atana tanpuina pek zat chu kg-ah Rs. 3.05 a nih thu leh tunah hian 2023-24 atan kg.-ah Rs. 3.18 niin, sem chhuah tura buaipui mek a nih thu a tarlang a ni.