Bawrhsap in MUP Area Conference a hmanpui
Leng khuaa Saihnuna Hall-a East Lungdar Area MUP Conference-ah hian Bawrhsap Paul L. Khuma chuan MUP member te chu an naupan laia an nu leh pa te thu an awih avangin tun thlengin Pathian malsawmna leh kaihhruaina an dawng tih a sawi a. Upate chu kan khawtlang nunah an pawimawh zia hriaa tha tho taka tel zel tur leh hma hruaitu ni zel turin a sawm a. An tu leh fate tawngtaisaka kaihhruaitu ni zel turin a chah nghal bawk.
.jpeg)
Japan-a Okinawa chu khawvel-a kum 100 chunglam dam thleng tamna ber a nih thu Bawrhsap chuan sawiin, “Mi thiamte zirchianna atangin damrei an tamna chhan lian tak chu kum upa te anmahni chauha khawhar taka awm loin an inkawm hlim thin tih a ni a. Hetiang kawngah hian Mizoten MUP kan nei hi kan vannei hle a ni,” tiin MUP hruaitute chu an pawimawhzia hre thar leh turin a chah a ni.
East Lungdar Area MUP Conference hi an President C. Bawizuala chuan kaihruaiin Conference inkara an member boral mi 27 te sunna hun hmangin heng zingah hian mi 23 chu mipa an nih laiin hmeichhia mi 3 an tel a. Chawhnu lamah Lengkhawm zai-a intihsiakna an nei nghal bawk.
Comments
Post a Comment
I ngaihdan i sawi hian mipui ngaihdan i tarlang a ni!