Health Minister in sawm

Health Minister Lalrinpuii chuan Zirtawpni khan Geneva (Switzerland)-ah Doctors Without Borders hotu Marie Elosabeth, Humanitarian Representative to the United Nations in Geneva chu kawmin Mizoram ah zau zawka thawhho dan tur a sawipui a. Doctors Without Borders hian Lawngtlai leh Champhai District a raltlante tan Health Sector hnuaiah project an lo kalpui tawh thin a, tunah hian Zokhawthar-ah Raltlan te tan hriselna kawngah nasa takin hma an la mek a ni. Health Minister chuan HIV/AIDS dona kawngah thawhho puiah sawmin MSACS hmalak mekna tichak tur leh AIDS vei te enkawlna kawnga tanlak puia a sawm bakah Cancer natna chungchang zirchianna nei turin a sawm a. WHO Office dawr bawkin, Mizoram hmun kilkhawra mite hriselna dinhmun tha tawk lo chungchanga thawhpui ah sawmin International Red Cross Society hotute pawh dawrin thawhho puiah a sawm bawk a ni.