YMA Inkhawmpui Lian Pandal tur sak tan a ni

Kumin October thlaa YMA Inkhawmpui Lian vawi 75-na neihna tur Pandal chu nimin khan Sakawrdai Field-ah sak tan a ni.

Kumin a YMA Inkhawmpui Lian hi Sakawrdai khua in a thleng dawn a, nimin khan Pandal sak bultanna hi neiin a nawlpui-a thawk lovin mi 50 vel an hnatlang a, pandal sa tur hian a thiam bik mi pathum ruaiin heng mite kaihhruaina hnuaiah hian hnatlang hi neih chhoh tura ruahman niin June thla ah chuan a ruhrel zualpui chu sak zawh theih beisei a ni. Pandal ruhrel sak zawh a nih hnu hian mipui nawlpui hnatlang neih chhunzawm tura ruahman niin tluang taka sak a nih chuan September thla ralhmain Pandal hi sak zawh theih beisei a ni.

YMA Inkhawmpui Lian hi kumtin neih thin a nih hnuah kum 2015 atang khan kum khat dan ah neih thin a ni a, kum 2023 khan Biate khua ah neih niin kumin hian Sakawrdai khua ah Inkhawmpui Lian vawi 75-na hi neih leh tura ruahman a ni.