Serchhip Darnam Veng ah VDP din thar a ni

Serchhip Darnam Veng khawtlang chuan an huamchhunga Village Defence Party (VDP) din an dil angin tunhnai khan Serchhip District Superintendent of Police (SP) chuan VDP din phalna hi a pe a, niminpiah khan Serchhip Darnam Veng VDP te tan hian Serchhip Addl. SP Pisa-ah  Sensitization Training cum Interection neih nghal a ni bawk.
He hunah hian Addl. SP Saidingliana Sailo chuan VDP kalphung leh an hnathawh dan tur tlangpui te sawiin, khawtlang-a sualna dona kawngah Dan hnuaiah zel hmalak tur a nih thu a sawi a, Darnam Veng VDP hruaitute pawhin an hriat duh pawimawh hrang hrangte an zawt nghal bawk a ni.

He hunah hian Addl. SP hian Darnam Veng VDP te hnenah hian a tul anga an hman turin Search Light, Torch Light, Reflective Jacket leh Stationery te an hlan nghal a ni.