Serchhip-ah Land Committee thutkhawm nei

Serchhip Town Land Committee chu nimin khan an Chairman leh Bawrhsap Paul L. Khuma hova thukhawmin Kohhran leh mimal ram dilna lut hrang hrangte an thlirho.
Serchhip Town Land Committee thutkhawm Serchhip DC Meeting Hall-a neih ah hian Bawrhsap Paul L. Khuma chuan Serchhip khawpui hmasawn zel dan tur thlirin Town Planning-ah mipui vangtlana tana hmunhma dahhran (reserve area) te chu humhalha ven tlat a tul thu a sawi a. Hmasawnna hna thawktute leh mipui mimir pawhin ram chereu zel tur veng a tui hna humhalh ngai pawimawh turin a chah a ni.

He thutkhawm ah hian ram Pass leh House Pass dilna lut hrang hrangte chu thlirho niin dilna lut hi a vaiin 44 a ni a, heng te hi mimal House Pass dilna 38 leh Kohhran 2 in Land Lease an dilna 3 bakah sawrkar Department pakhat leh Village Council pakhatin Land Lease an dilna te a ni a. Heng dilna te hi ngaihtuah niin an pass te nen ngun taka thlirho a nih hnuah dilna 39 pawm a ni a, dilna 5 chu chhan hrang hrang avangin hnawl a ni thung.

The Mizoram (Land Revenue) Act & Rules, 2013-in a sawi angin Serchhip-a Land Committee hi kum 2021 October ni 21 khan din a ni a, he Committee hian a hmaa hetiang kaihhnawiha thuneitu Site Allotment Advisory Board (SAAB) kha a thlak a, In hmun dilna leh Pass renew dilna te a lo thlifimtu thin a ni. Nimin-a thutkhawm ah hian Settlement Officer Gaston Vanlalhriatpuia bakah Line Department hrang hrang aiawh, NGO aiawh leh Political party aiawh te an tel a ni.