No Vehicle Zone siam leh rel

Chief Secretary Khilli Ram Meena hovin Krismas leh kumthar vuakveta Aizawl khawpui chhunga lirthei tlan phallohna, 'No Vehicle Zone' siam leh dan tur chu nimin khan CS Conference Hall-ah sawiho a ni a, Krismas leh kumthar vuakveta Aizawl khawpui Bazar hmun tawt lutuk tur tihziaawm nan leh mipui zalen taka an bazar theih nan kum 2009 atanga Canteen kual leh Chanmari kawn inkar kawng chu lirthei tlan theih lohna hmuna puan thin a nih thu tarlan a ni a. Kumin pawh hian December ni 23, ni 24 leh ni 31 chawhma dar 10:00 leh chawhnu dar 4:00 inkarah kalpui leh tur a rel a ni. Hei bakah hian Aizawl khawpui chhung traffic nghawng ve lohna hmun a lirthei intlanchhawkna kalpui dan ennawn dilna chu Unified Transport Coordination Committee on Traffic Management-ten uluk tak a zirchianna nei tur a tih a ni bawk.