CADC-ah CEM paih a ni

Chakma Autonomous District Council (CADC) Thlasik thutkhawm ni hmasa berah Chief Executive Member (CEM) Rasik Mohan Chakma chu rintawk lohna Motion hmanga paihthlak a ni. CADC Thlasik thutkhawm hi nimin khan neih tan niin CEM Rasik Mohan Chakma rintawk lohna Motion chu Eptu Member Doymoy Daveng Chakma chuan pulutin Member 9-in Motion thlawp zawngin vote an thlak a, Member 8-in Motion an dodal thung a. Session-ah hian member thlantlin pahnih Nirupan Chakma leh Sanjib Chakma te an tel lo thung a ni. CADC Term 11-na ah hian Elected Member 20 awmin MNF in member 14 neiin ZPM in 5 an neih bakah BJP in pakhat an nei bawk a, tun term-ah a tum khatna atan hruaitu inthlak a thleng a ni.