MRB Chairman in hna zawm

Mizoram Rural Bank (MRB) Chairman thar Sheryl L. Vanchhong chuan nimin khan a hna thar a zawm a, he hna hi deputation-in kum 3 chhung a chelh ang. Sheryl L. Vanchhong hian kum 2001 khan State Bank of India (Delhi Circle)-ah Probationary Officer-ah bultanin SBI Branch hrang hrangah a thawk tawh a. Kum 2006 khan NE Circle-ah sawn niin Mizoram-a Branch thenkhat ah Manager hna a lo chelh tawh a, hemi hnu hian State Bank Institute of Learning & Development (SBILD) Guwahati-ah Faculty hna zawmin, MRB Chairman hna a zawm hma chiah hian Head of Stressed Assets Recovery Branch (SARB) Guwahati, SBI hna a thawk a ni. Tun dinhmunah Mizoram Rural Bank hian Branch 102 leh hnathawk 475 a nei mek a ni.