Tuichang Lei dawh mek PWD CE in a tlawh

Keitum leh Khawlailung inkar Tuichang Lei dawh hna M/S Sadguru Engineers & Allied Services Pvt. Ltd ten an thawh mek chu hun engemaw chen an chawlhsan hnuah nimin tlai khan PWD Chief Engineer, Er. C. Lalhmingthanga chuan a hmunah a tlawh a, he hnathawktute hi PWD lam chuan insawifiah tur pawha an lo hriattir tawh thu sawiin PWD CE chuan, tha taka hna zawh a nih theih nana hmalak a nih tur thu leh Contractor te chuan hna an thawk lo zel a nih chuan a tul angin an contract terminate thlenga hmalak a nih tur thu a sawi a ni. PWD CE hi Serchhip Sub-Hqrs. YMA leh Tuichangral South Group YMA te pawhin lo hmuin hun rei tak he Lei dawh a ni tawh chu an lungawiloh thu leh he hna hi zawhfel thuai an duh thu te an lo thlen bawk a ni.